Музей воінаў - інтэрнацыяналістаў

     На базе музея рэгулярна праводзяцца сустрэчы з ветэранамі Вялікай Айчыннай вайны, ветэранамі Афганістана, урокі мужнасці. Профіль музея –  гістарычны.

Галоўныя задачы, якія стаяць перад музеем

• Захаванне і ўвекавечанне памяці аб воінах-афганцах, якія мужна і сумленна выконвалі свой інтэрнацыянальны абавязак і да канца засталіся верныя вайсковай прысяге;

• На прыкладзе Афганскай вайны фарміраваць у навучэнцаў разуменне вайны як найвялікшай чалавечай трагедыі, якая ніколі не павінна паўтарыцца;

• Выкарыстоўваючы матэрыялы музея, прывіваць вучням любоў і павагу да свайго народу і яго гісторыі, паважлівае стаўленне да культуры іншых краін, фарміраваць нацыянальную самасвядомасці.

Гісторыя музея

    Першапачаткова музейвоінаў-інтэрнацыяналістаў імя С.І. Грыцаўца быў створаны ў 1969 г.  на базе СШ № 107 г. Мінска і прысвечаны С.І. Грыцаўцу.

    У асобныя гады музей быў дапоўнены матэрыяламі аб лётчыках, якія ваявалі ў гады Вялікай Айчыннай вайны. У 1999 г. былі абноўлены экспазіцыі, і музей набыў іншы профіль - музей воінаў-інтэрнацыяналістаў. Гэта было зроблена з нагоды 10-й гадавіны вываду савецкіх войск з Афганістана. У сувязі з ліквідацыяй школы № 107 музей воінаў-інтэрнацыяналістаў па просьбе маці загінулага воіна-афганца, былога вучня школы Дзмітрыя Манкевіча быў перададзены гімназіі № 9. Манкевіч Лідзія Яфімаўна ўзначальвала рэспубліканскую асацыяцыю ўдоў і маці загінуўшых воінаў-афганцаў і стаяла ў вытокаў стварэння музея воінаў- інтэрнацыяналістаў.

   Экспазіцыі музея ў разабраным выглядзе былі перададзены гімназіі № 9 у чэрвені 2004 года, а з верасня пачалося яго аднаўленне.

Новы этап работы музея на базе гімназіі № 9 пачаўся 18.02.2005 г.

Экспазіцыі музея

Музей мае 4 экспазіцыі:

1. “Двойчы герой Савецкага Саюза Сяргей Іванавіч Грыцавец”;

2. "І буду жыць у кароткім слове памяць" (аб загінуўшых воінах-інтэрнацыяналістах);

3. "Прабач, мой сябар, што ты загінуў, а я ўсяго паранены" (аб ветэранах вайны ў Афганістане);

4. “Перамозе ў Вялікай Айчыннай вайне прысвячаецца...”.

Колькасць экспанатаў

- усяго: 358, у тым ліку асноўнага фонду 248.

Пералік найбольш каштоўных экспанатаў:

Праца з вучнямі

    У музеі ёсць і іншыя цікавыя экспанаты: макеты зброі, палявая радыёстанцыя, асабістыя рэчы воінаў-афганцаў, перададзеныя роднымі - мундзір, шлемафон, штодзённая салдацкая форма, салдацкі рэмень, а таксама ўзнагародныя дакументы, фатаграфіі, карта Афганістана, зямля Афганістана, асколак снарада рэактыўнай сістэмы залпавага агню «Град» і інш.

   Штогод на базе музея гімназіі праводзіцца урачыстае мерапрыемства, прысвечанае прыняццю вучняў гімназіі ў ГА “БРПА” і “БРСМ". Дзякуючы сувязі з ветеранскімі арганізацыямі Афганістана і ветэранамі Вялікай Айчыннай вайны ў нас праходзяць святочныя канцэрты, урокі мужнасці. У музеі таксама праводзяцца класныя і інфармацыйныя гадзіны (у музеі сабраны вялкі сцэнарны пакет для правядзення класных гадзін грамадзянска-патрыятычнай накіраванасці).

   Кожную суботу (у 6 школьны дзень) музей адкрыты для наведвальникаў. Па суботах у музеі таксама праводзяцца заняткі для вучняў 8-10 класаў аб’яднання па інтарэсах "Музейная справа".

   З пачатку навучальнага года разам з вучнямі былі распрацаваны экскурсіі: «Аглядная», «Збавенне ад чорнай чумы», «Афганская», «Жыццё і подзвігі С.І. Грыцаўца». З кастычніка члены аб'яднання па інтарэсах "Музейная справа" з задавальненням праводзяць экскурсіі  па музеі на рускай і беларускай мовах для ўсіх жадаючых.

Адзін з прыкладаў нашых мерапрыемстваў - "Фэст экскурсаводаў"  >>> Да справаздачы.

Графік работы аб’яднанняў па інтарэсах

• Гурток “Музейная справа” на базе музея “Беларуская хатка” працуе ў суботу, з 10.00 да 12.00

  Поўны адрас музея

• 220090, Рэспубліка Беларусь, г. Мінск, вул. Сядых, д. 10, 2 паверх, каб. 215.

Час працы гуртка